لاہور ( این این آئی)لاہور پولیس نے پاکستان تحریک انصاف کے 42رہنمائوں اور کارکنوں کو نظر بند کروانے کے لیے مراسلہ بھجوادیا۔مراسلہ اقبال ٹائون ڈویژن پولیس کی جانب سے صوبائی وزارت داخلہ کو بھجوایا گیا۔ نظربندی کے لیے بھیجے گئے مراسلے میں پی ٹی آئی کے میاں اسلم اقبال، میاں محمود الرشید کے بیٹے میان حسن،مہر واجد ، وقاص امجد، ندیم بارسمیت 42 افراد کے نام شامل ہیں۔
فہرست میں خواتین ورکرز کے نام بھی شامل کیے گئے ہیں۔مراسلے کے مطابق فہرست میں شامل افراد افواج پاکستان کے خلاف انتشار پھیلاتے ہیں اور لوگوں کو نجی وسرکاری املاک کو نقصان پہچانے کی ترغیب دیتے ہیں۔ ان افراد کی وجہ سے امن وامان کے مسائل پیدا ہونے کا خدشہ ہے لہٰذا ان کے 90یوم کے نظر بندی کے احکامات جاری کیے جائیں۔
