اسلام آباد (این این آئی ) آئی ایم ایف سے پاکستان کیلئے قرض پروگرام کی منظوری مزید تاخیر کا شکار ہوگئی۔آئی ایم ایف نے ایگزیکٹو بورڈ کے ستمبر کے مزید اجلاسوں کا کیلنڈر جاری کردیا ہے جس میں پاکستان کا ایجنڈا شامل نہیں ہے ،9 ستمبر کے اجلاس میں بھوٹان اور 13 ستمبر کے اجلاس میں ناروے کا کیس شامل ہے۔

پاکستان اور عالمی مالیاتی ادارے کے درمیان اسٹاف لیول معاہدہ 12 جولائی کو ہوا تھا۔ذرائع کے مطابق پاکستان کو تاحال بیرونی فنانسنگ گیپ کو پورا کرنے میں مشکلات کا سامنا ہے، پیشگی شرائط پوری ہونے کے بعد پاکستان کا ایجنڈا شامل ہونے کا امکان ہے۔ذرائع کے مطابق وفاقی حکومت آئی ایم ایف کی تمام شرائط پوری کرنے کیلئے پر امید ہے۔