راولپنڈی (این این آئی)جماعت اسلامی کے دھرنے میں پولیس کے پہنچنے پر پی ٹی آئی رہنماء شعیب شاہین خطاب ادھوڑا چھوڑ کر واپس چلے گئے۔
تفصیلات کے مطابق پی ٹی آئی کی اسلام آباد اور راولپنڈی کی قیادت نے راولپنڈی میں جاری جماعت اسلامی کے دھرنے میں شرکت کی،اسلام آباد سے شعیب شاہین، عامر مغل اور راولپنڈی سے شہریار ریاض جماعت اسلامی کے دھرنے میں پہنچے۔ قائم مقام امیر جماعت اسلامی لیاقت بلوچ نے پی ٹی آئی قیادت کا دھرنے میں استقبال کیا۔دھرنے سے رہنما پی ٹی آئی شعیب شاہین کے خطاب کے دوران پولیس کی بھاری نفری پہنچ گئی جس کے باعث شعیب شاہین اپنا خطاب ادھورا چھوڑ کر موٹرسائیکل پربیٹھ کر چلے گئے۔
