کھٹمنڈو(این این آئی)نیپالی ائیر لائن کا طیارہ ٹیک آف کے دوران کھٹمنڈو میں حادثے کا شکار ہو کر تباہ ہو گیا جس کے نتیجے میں 18افراد ہلاک ہو گئے۔مقامی میڈیا کے مطابق کھٹمنڈو ائیر پورٹ پر ٹیک آف کے دوران حادثے کا شکار ہونے والے سوریا ائیر لائن طیارے میں عملے کے ارکان سمیت 19 افراد سوار تھے۔ حادثے کے فوری بعد طیارے میں آگ بھڑک اٹھی۔
طیارہ حادثے میں 18 افراد ہلاک ہو گئے ، حادثے کے فوری طور پر ریسکیو آپریشن شروع کرکے جہاز کے کپتان منیش سکایا کو ریسکیو کر کے اسپتال منتقل کر دیا گیا ۔حادثے کی وجوہات تاحال سامنے نہیں آ سکی ہیں تاہم طیارہ ٹیک آف کے دوان پھسلن کے باعث حادثے کا شکار ہو کر تباہ ہوا۔
