لاہور(نیوز ڈیسک) عیسائی پیشوا نے دعویٰ کیا ہے کہ آج دنیا کا آخری روز ہے ، ای بائبل فیلوشپ کے مطابق بلڈ مون کے بعد اس بات کی یقینی پیشگوئی ہے کہ آج دنیا کا آخری روز ہے۔کرس میکن کے مطابق فیلوشپ کے رہنماﺅں کے مطابق سپر اور بلڈ مون کے بعد دنیا تباہی کی طرف گامزن ہو جائے گی پہلے اس بات کا اندیشہ تھا کہ دنیا کو پانی کے ذریعے ختم کیا جائے گا لیکن اب یہ آگ میں بدل جائے گی۔اسی گروپ نے پہلے 11 مئی 2011 ءکو دنیا کا آخری روز قرار دیا تھا۔انھوں نے بتایا کہ بلڈ مون کو رونما ہونا ہماری نشانیوں میں سے ایک ہے جس کے تحت اس کے بعد زندگی کا خاتمہ ہوگا اور اس میں 7 اکتوبر کو آخری روز قراردیا گیا ہے۔انھوں نے بتایا کہ پہلے اس بات کا امکان تھا کہ دنیا کو پانی سے ختم کیا جائے گا لیکن اب یہ سارا عمل آگ کے ذریعے وقوع پذیر ہوگا۔ انھوں نے بتایا کہ پہلے خدا نے 21 مئی 2011ءکا انتخاب کیا تھا لیکن پھر بچائے جانے والے لوگوں کے انتخاب کے لیے مزید 1600 دن کا وقت دیا گیا جوکہ سات اکتوبر کو ختم ہوجائے گا۔سائنسدانوں کے مطابق دنیا کا خاتمہ سورج کی وجہ سے ہوگا جب اس کا درجہ حرارت اتنا زیادہ بڑھ جائے گا کہ انسان برداشت ہی نہیں کر پائے گا۔