کراچی (نیوزڈیسک)عوامی نیشنل پارٹی سندھ کے صدر سینیٹر شاہی سید نے وزیر اعلیٰ خیبر پختون خوا کی جانب سے کالا باغ ڈیم کی تعمیر کی حمایت کرنے کے بیان کی شدید مذمت کرتے ہوئے کہا ہے کہ پر ویز خٹک جس صوبے کے وزیر اعلیٰ ہیںاسی صوبے کی اسمبلیوں کی قرار دادوں کا ہی احترام کرلیں وزیر علیٰ خیبر پختون خوا لاہور کی ایک سیٹ کے لیے خیبر پختون خوا کو ڈبونے اور سندھ کو بنجر کرنے والے منصوبے کی حمایت کررہے ہیںیہ صرف تحریک انصاف والوں کا وطیرہ ہے کہ سندھ اور پختون خوا میں ان کا ایک موقف ہوتا ہے پنجاب میں ان کا موقف یکسر مختلف ہوتا ہے پورے ملک کے سامنے تحریک انصاف کی دوغلی پالیسی آشکار ہوچکی ہے ،باچا خان مرکز سے جاری کردہ بیان میں اے این پی سندھ کے صدر اور پختون ایکشن کمیٹی (لویہ جرگہ) کے چیئر مین سینیٹر شاہی سید نے مذید کہاہے کہ اب سے چندہفتے قبل تحریک انصاف کے سربراہ کشمور میں جس منصوبے کی مخالفت کررہے تھے آج وزیر علیٰ خیبر پختون خوا اسی منصوبے کی حمایت کررہے تھے سندھ اور پختون خوا کے عوام کسی صورت کالاباغ ڈیم کی تعمیر کی اجازت نہیں دیں گے کا لا باغ ایک مردہ گھوڑہ ہے لہٰذا اس میں جان ڈالنے کی کوشش نا کی جائے پرویز خٹک لاہور میں بیٹھ کر جس منصوبے کی حمایت کی بات کررہے ہیں پہلے اپنی صوبائی اسمبلی میں اس کی حمایت کی قرار داد لیکر آئیںپرویز خٹک قومی اسمبلی کی ایک سیٹ کے لیے اپنے ضلع سمیت کئی اضلاع کو پانی میں ڈبونے پر تلے ہوئے ہیںکا لا باغ ڈیم سندھ کو بنجر کرنے اور پختون خوا کو ڈبونے کا منصوبہ ہے ۔