ریاض(این این آئی)سعودی عرب نے ٹی ٹوئنٹی ورلڈکپ جیتنے پر پاکستانی ٹیم کو اگلے برس حج پر شاہی مہمان بنانے کا اعلان کیا ہے۔تفصیلات کے مطابق پاکستان میں سعودی سفیر نواف بن سعید احمد المالکی نے پاکستان کرکٹ ٹیم کے لیے خصوصی ویڈیوپیغام میں نیک خواہشات کا اظہار کیا۔
سعودی سفیر نے کہا کہ پاکستانی ٹیم ان شااللہ یہ ٹورنامنٹ جیتے گی، ورلڈکپ جیتنے پر پاکستانی ٹیم اگلے برس حج پر شاہی مہمان ہوگی۔سعودی سفیر نے کہا کہ انشا اللہ پاکستانی عوام یقینا ورلڈکپ میں ٹیم کی کامیابی کا جشن منائیگی۔انہوں نے کہا کہ میں پاکستان کی خوشحالی اور ترقی کے لیے بھی دعا گو ہوں۔
