لاہور(نیوزڈیسک)نندی پور پاور پراجیکٹ ،کاﺅنٹ ڈاﺅن شروع،اہم شخصیات کے ہوش اُڑ گئے، نندی پور پاور پراجیکٹ کا تھرڈ پارٹی آڈٹ شروع ہو گیا۔تفصیلات کے مطابق نندی پور پاور پراجیکٹ کے آڈٹ کے لئے ایک معروف آڈٹ فرم کے آڈیٹرز کی ٹیم نندی پور پہنچ چکی ہے جو تمام ریکارڈ کا جائزہ لے کر اپنی آڈٹ رپورٹ حکومت کو پیش کرے گی۔ حکومت نے نندی پور پاور پراجیکٹ میں بدانتظامی اور کرپشن کے الزامات کی تحقیقات کے لئے تھرڈ پارٹی آڈٹ کرانے کا اعلان کیا تھا۔ آڈٹ رپورٹ کی روشنی میں حکومت مزید اقدامات کا فیصلہ کرے گی۔ واضح رہے کہ نندی پور پاور پراجیکٹ میں بعض اہم ترین شخصیات کے ملوث ہونے کا خدشہ ظاہر کیاجارہاہے تحقیقات کے بار بار مطالبوں کے بعد آڈٹ شروع ہونے پر بااثر افراد کے ہوش اُڑ گئے ہیں۔