لاہور( این این آئی) پی آئی اے نے کرایوں میں 30فیصد تک کمی کردی گئی۔قومی ائیر لائن نے سعودی عرب کے رہائشی ویزہ اور ورک ویزہ کے حامل افراد کے لئے یکطرفہ کرایوں میں 30فیصد رعایت کا اعلان کیا ہے۔ جدہ، ریاض، دمام اور مدینہ جانے والے مسافر 7اپریل سے 11اپریل 2024تک اس رعائیت سے فائدہ اٹھا سکیں گے۔

دوسری جانب عمرہ زائرین کے لئے کرایوں میں 20فیصد تک کرایوں میں کمی کی گئی، کرایوں میں کمی کا اطلاق 7اپریل سے 11اپریل تک رہے گا،پی آئی اے اکنامی کلاس میں 50ہزارروپے تک کمی کی گئی۔لاہور سمیت نارتھ ریجن سے جانے والے مسافروں کے لئے اکنامی کلاس کا کرایہ ایک لاکھ تین ہزار 680روپے مختص کردیا گیا ہے جبکہ کراچی سمیت سائوتھ ریجن سے عمرہ زائرین کا کرایہ 95ہزار 400روپے مختص کردیئے گئے۔