کراچی(این این آئی)سندھ سینیٹ انتخابات میں آزادامیدوار فیصل واوڈا کو پیپلزپارٹی اور ایم کیوایم مشترکہ طور پر ووٹ دیں گے۔فیصل واوڈا جنرل نشست پر سندھ سے سینیٹر منتخب ہوں گے۔ذرائع کے مطابق پیپلزپارٹی جنرل نشست کے ایک امیدوار سرفراز راجڑ کی قربانی دے گی۔پیپلزپارٹی اور ایم کیوایم اراکین سندھ اسمبلی کے ووٹ سے فیصل واوڈا سینیٹر منتخب ہوں گے۔سندھ میں 12سینیٹرز کی نشستوں میں 10پر پیپلزپارٹی کے اراکین ہوں گے۔
ایک نشست پر ایم کیوایم اور ایک پر فیصل واوڈا سینیٹر بنیں گے۔چند روز قبل ایم کیو ایم پاکستان نے بھی آزاد امیدوار فیصل واوڈا کی حمایت کرنے کا فیصلہ کیا تھا۔ سینیٹ انتخابات کیلئے پارٹی ٹکٹ جمع کرانے اور دستبردار ہونے کے معاملے پر اس نے مختلف آپشنز پر غور کے بعد حتمی فیصلے کیے تھے۔ایم کیو ایم کی ایڈہاک کمیٹی نے طویل مشاورت کے بعد سندھ کی جنرل نشست پر عامر چشتی کو ٹکٹ دینے کا فیصلہ تھا جبکہ فیصل واوڈا کو بطور آزاد امیدوار سپورٹ کرنے کا اعلان کیا تھا۔
