کراچی(نیوزڈیسک) مسلسل دوسرے روز بھی ملکی صرافہ مارکیٹوں میں سونے کی قیمت میں کمی کارجحان دیکھاگیا ۔ بدھ کوعالمی صرافہ مارکیٹ میں 7ڈالر کی کمی سے فی اونس سونے کی قیمت 1120ڈالر پرآگئی جس کے باعث ملکی صرافہ مارکیٹوں میں بھی سوناسستاہوگیا۔آل پاکستان سپریم کونسل جیولرز ایسوسی ایشن کی رپورٹ کے مطابق بدھ کو ملکی صرافہ مارکیٹوں میں ایک تولہ سونے کی قیمت میں 100 روپے کی کمی ریکارڈ کی گئی جس کے بعد کراچی، حیدرآباد، لاہور، ملتان ، فیصل آباد، اسلام آباد، راولپنڈی اور کوئٹہ کی صرافہ مارکیٹوں میں سونے کی فی تولہ قیمت 45 ہزار 700 سے روپے سے کم ہوکر 45 ہزار 600روپے جبکہ 10 گرام سونے کی قیمت 86 روپے کی کمی سے 39 ہزار 85روپے ہوگئی اسی طرح ایک تولہ چاندی کی قیمت 650 روپے کی سطح پر برقرار رہی