ممبئی (این این آئی)بھارتی فلم پشپا کے اداکار جگدیش پرتاپ بھنڈاری نے اعتراف کیا ہے کہ اس نے جس خاتون کو ہراساں کیا اس نے خود کشی کرلی۔ بتایا جاتا ہے کہ حیدر آباد کی پنجاگٹا پولیس کے سامنے دوران تفتیش جگدیش نے اقبال جرم کرتے ہوئے یہ مانا کہ اس نے ایک جونیئر آرٹسٹ کو بلیک میل کیا تھا۔واضح رہے کہ کہ جگدیش کو اس ماہ کے اوائل میں حراست میں لیا گیا۔

ہدایتکار بندریڈی سوکومر کی تیلگو فلم پشپا کے پرستاروں کو اس وقت حیران رہ گئے جب انہیں پتہ چلا کہ پشپا میں الو ارجن کے دوست کا کردار ادا کرنے والے کیساوا (جگدیش) کو 6 دسمبر کو حراست میں لیا گیا ہے۔بھارتی ٹی وی کی رپورٹ کے مطابق گرفتاری کے بعد جگدیش نے پولیس کے سامنے اعتراف کیا کہ اس نے خاتون کی پرائیویٹ تصاویر کے ذریعے اسے بلیک میل کیا جس کے بعد اس نے 29 نومبر کو خود کشی کرلی۔