واشنگٹن(این این آئی)امریکہ کی ریاست مین کے شہر لیوسٹن میں فائرنگ کے واقعات میں کم سے کم 22 افراد ہلاک اور 50 سے زائد افراد زخمی ہو گئے ۔امریکی نیوز چینل کے مطابق مقامی ہسپتال کا کہنا تھاکہ فائرنگ کے واقعے میں ہلاک و زخمی افراد کو ہسپتال منتقل کر دیا گیا ہے۔
حکام نے لیوسٹن اور آبرن کے رہائشیوں سے کہا کہ وہ اپنے گھروں ہی میں مقیم رہیں۔ پولیس نے ہلاکتوں میں اضافے کا خدشہ بھی ظاہر کیا ۔پولیس حکام نے مشتبہ رائفل پکڑے ایک ملزم کی تصاویر جاری کی ہیں۔ اس کے علاوہ ایک گاڑی کی تصویر بھی جاری کی ہے جو مبینہ طور پر اس واقعے میں استعمال ہوئی۔پولیس کا کہنا تھا کہ فائرنگ کے واقعے میں ملوث شخص کی تلاش جاری ہے۔
