کراچی (این این آئی)دبئی سے کراچی پہنچی ایک خاتون کا 96 لاکھ روپے مالیت کا سامان کراچی ایئر پورٹ پر کسٹمز ایکٹ کے تحت ضبط کر لیا گیا۔کسٹم حکام کے مطابق جناح انٹر نیشنل ایئر پورٹ پر کسٹمز کے عملے نے کارروائی کرتے ہوئے الیکٹرانکس کے سامان کی اسمگلنگ کی کوشش کو ناکام بنا دیا۔

خاتون مسافر نجی ایئرلائن کی پرواز کے ذریعے دبئی سے کراچی پہنچی تھیں۔کسٹم کلیکٹریٹ کے انٹر نیشنل ارائیول پر تعینات عملے نے خاتون مسافر کو گرین چینل پر روکا، خاتون مسافر کی موجودگی میں ان کے سامان کی تلاشی لی گئی تو اس میں سے 4 عدد قیمتی آئی فون، 2 میک بکس، 8 قیمتی اسمارٹ واچز، 25 قیمتی ہینڈ بیگز، کاسمیٹک کا قیمتی سامان برآمد کر لیا گیا، تمام سامان کی مالیت 96 لاکھ روپے بتائی گئی ہے۔کسٹم حکام کے مطابق خاتون مسافر کے خلاف کسٹم ایکٹ کے تحت کارروائی عمل میں لائی جا رہی ہے۔