مقبوضہ غزہ(این این آئی)غزہ کے اسپتال پر اسرائیلی حملے کے بعد امریکا کے صدر جوبائیڈن کا بیان سامنے آ گیا۔غیرملکی خبررساں ادارے کے مطابق امریکی صدر کا کہنا تھا کہ غزہ میں اسپتال پر حملے اور ہولناک جانی نقصان پر غمزدہ ہوں۔ان کا کہنا تھا کہ اسپتال پر حملے کی خبر سنتے ہی اردن کے شاہ عبداللہ دوم اور اسرائیل کے وزیرِ اعظم بنجمن نیتن یاہو سے بات کی۔
جو بائیڈن نے کہا کہ امریکی قومی سلامتی کی ٹیم کو غزہ میں اسپتال پر حملے کی معلومات لینے کی ہدایت کی ہے۔انہوں نے مزید کہا کہ امریکا تنازعات کے دوران شہریوں کی زندگیوں کے تحفظ کے لیے واضح طور پر کھڑا ہے۔امریکی صدر کا یہ بھی کہنا تھا کہ ہم اس سانحے میں جاں بحق یا زخمی مریضوں، طبی عملے اور دیگر بے گناہوں کے لیے سوگوار ہیں۔
