لاہور(این این آئی)ایشیا کپ میں سری لنکا کے ہاتھوں شکست کے بعد پاکستان کرکٹ ٹیم کے فاسٹ بائولر شاہین آفریدی نے کہاہے کہ ہم نے کبھی ہمت نہیں ہاری اور مقابلہ کیا ، یہ مقابلہ کرنے کا جذبہ ختم نہیں ہونا چاہیے۔فاسٹ بائولر شاہین شاہ آفریدی نے بیان جاری کرتے ہوئے کہا کہ جس طرح ٹورنامنٹ کا اختتام ہوا مایوسی ہے لیکن اس سے سب کچھ ختم نہیں ہوگیا۔انہوں نے کہاکہ ہم نے کبھی ہمت نہیں ہاری اور مقابلہ کیا اور یہ مقابلہ کرنے کا جذبہ ختم نہیں ہونا چاہیے، ہمارے سامنے ایک بڑا چیلنج (ورلڈکپ)آنے والا ہے اور ہم اس کیلئے بہترین تیاری کریں گے۔