اسلام آباد(نیوز ڈیسک)ایشیاءکپ سپر فور مرحلے میں کھیلاجانیوالا بھارت اور سری لنکا کا میچ بارش کے باعث روک دیا گیا۔اس سے قبل بھارت نے سری لنکا کے کو جیت کے لیے 214 رنز کا ہدف دے دیا تھا ، بھارت کی ٹیم نے 49.1اورز میں213 رنز بناکر آؤٹ ہوگئی۔ تفصیلات کے مطابق بھارت نے ٹاس جیت کر بیٹنگ کا فیصلہ کیا جس پر روہت شرما اور شبمان گل نے میدان میں اتر کرکھیل کا آغاز کیا لیکن شبمان گل صرف 19 رنز بنا کر پولین لوٹ گئے ان کے بعد آنے والے ویرات کوہلی تین سکور پر کیچ آوٹ ہو گئے۔

اوپننگ پر آنے والے روہت شرما نصف سینچری بنانے میں کامیاب ہوئے اور 53 رنز پر ویلالاگے کی گیند پر بولڈ ہو گئے، ایشان کشن33، کیل راہول 39، ہردیک پانڈیا 5، رویندر جدیجا4، پٹیل 15 اور بمرا 5 رنز بنا کر آؤٹ ہوئے، کلدیپ یادیو بغیر کوئی رن بنائے آؤٹ ہوگئے۔ سری لنکا کے باؤلر دونتھ ولالاج نے 5 ، اسالانکا نے 4 اورمہیش تھکشنا نے ایک کھلاڑی کو آؤٹ کیا ۔