واشنگٹن(این این آئی)ویزوں میں تضادات اور مسائل پر امریکا نے ایک ہی دن میں 21بھارتی طلبا کو ڈی پورٹ کردیاہے۔بھارتی میڈیا کے مطابق ایک ہی دن میں 21طلبا کا ڈی پورٹ ہونا ویزا سے متعلق بڑھتے ہوئے مسائل کی نشاندہی ہے۔

رپورٹ کے مطابق ڈی پورٹ ہونے والے 21بھارتی طلبا پانچ سال تک امریکا جانے کیلئے نااہل ہوگئے، انہیں اٹلانٹا، شکاگو اور سان فرانسسکو ائیرپورٹس پر دستاویزات، لیپ ٹاپ اور سوشل میڈیا اکائونٹس چیک کرنے کے بعد ڈی پورٹ کیا گیا۔بھارتی میڈیا کے مطابق ڈی پورٹ ہونے والے زیادہ تر طلبا آندھرا پردیش اور تلنگانہ سے تعلق رکھتے ہیں، وہ امریکا میں اعلیٰ تعلیم کے خواہشمند تھے۔طلبا نے دعویٰ کیاکہ انہیں ڈی پورٹ کرنے کی کوئی ٹھوس وجہ نہیں بتائی گئی اور ائیرپورٹ پر انٹرویو کے دوران ان سے نامناسب سلوک روا رکھا گیا۔