لاہور(این این آئی) نامور گلوکار راحت فتح علی خان کے خلاف کرنسی اسمگلنگ اور منی لانڈرنگ کی تحقیقات کا آغاز کردیا گیا۔بتایا گیاہے کہ ایف بی آر نے راحت فتح علی خان کی جائیداد اور آمدن کا ریکارڈ وفاقی تحقیقاتی ایجنسی (ایف آئی اے) کو بھجوادیا ہے۔

ایف بی آر نے راحت فتح علی خان کی آمدن کا9سالہ ریکارڈ بھجوادیا گیا ہے۔ایف آئی اے کو راحت فتح علی خان کے گوشواروں اور ویلتھ اسٹیٹمنٹ کی نقول ارسال کی گئی ہیں، ایف آئی اے نے راحت فتح علی خان کا2014ء سے 2022ء تک کاریکارڈ مانگا تھا۔ایف آئی اے نے ایف بی آر سے ریکارڈ ملنے کے بعد تحقیقات شروع کر دی ہیں۔