کراچی (این این آئی)حکومت سندھ نے عیدالاضحی پر بغیر اجازت کے کھالیں جمع کرنیپر پابندی عائد کردی ہے-محکمہ داخلہ سندھ نے صوبے بھر میں 3دن کیلیے دفعہ 144 کے نفاذ کا اعلان کیا ہے – ایک سرکاری نوٹی فیکیشن کے مطابق بغیر پیشگی اجازت کے قربانی کے جانوروں کی کھال جمع کرنے پر پابندی ہوگی۔
محکمہ داخلہ سندھ کا کہنا ہے دفعہ 144 کے تحت اسلحہ لیکر چلنے پر پابندی ہوگی۔محکمہ داخلہ سندھ نے واضح کیا ہے کہ کھالیں جمع کرنے کیلیے کیمپ لگانے اور کھالیں جمع کرنے کیلیے لاؤڈ اسپیکر کے استعمال پر بھی پابندی ہوگی ۔اسلحہ لے کر چلنے کے پہلے سے جاری شدہ اجازت نامے منسوخ کردیئے گئے ہیں۔
