اسلام آباد (این این آئی)وفاقی حکومت نے پاکستان کرکٹ بورڈ (پی سی بی)میں مبینہ بے ضابطگیوں پر نجم سیٹھی کے دور کا آڈٹ کرانے کا فیصلہ کرلیا۔وفاقی حکومت نے پی سی بی مینیجمنٹ کمیٹی کے سربراہ نجم سیٹھی کے دور کا آڈٹ کرانے کیلئے آڈیٹر جنرل پاکستان کو خط لکھ دیا ہے۔ خط کے متن میں کہا گیا ہے کہ نجم سیٹھی دور میں ہونے والے اخراجات کا مکمل آڈٹ کرایا جائے،

آڈٹ حکام نجم سیٹھی سمیت عارضی مینیجمنٹ کمیٹی ارکان کو ملی مراعات کا بھی جائزہ لیں گے۔ خط میں کہا گیا ہے کہ آڈیٹرجنرل 22 دسمبر 2022 سے 20 جون 2023 کا بلا تاخیر آڈٹ شروع کرے، ساتھ ہی آڈیٹر جنرل پی ایس ایل 8 کا بھی فوری آڈٹ شروع کرے۔واضح رہے کہ وفاقی حکومت کوپی سی بی مینیجمنٹ کمیٹی کیغیرضروری اخراجات کی شکایات ملی تھیں جس کے بعد وفاقی حکومت نے دسمبر 2022 میں عارضی مینیجمنٹ کمیٹی تشکیل دی تھی۔