کراچی(مانیٹرنگ ڈیسک) پاکستان کے سابق کپتان و کوچ وقار یونس کا 33 سالہ ریکارڈ خطرے میں پڑ گیا، سری لنکن اسپنر وانندو ہسارنگانے وقار یونس کی طرح لگاتار 3 میچوں میں 5 یا زائد وکٹیں اڑانے کا اعزاز حاصل کر لیا۔ورلڈ کپ کوالیفائرز میں وانندو ہسارنگا گزشتہ روز آئرلینڈ کے خلاف 10 اوورز میں 79 رنز دے کر 5 وکٹیں حاصل کیں،

سری لنکن اسپنر نے لگاتار تیسرے میچ میں 5 یا زائد وکٹوں کا کارنامہ انجام دیا۔انہوں نے اس سے قبل متحدہ عرب امارات کے خلاف چھ وکٹیں جبکہ عمان کے خلاف 5 وکٹیں حاصل کی تھیں۔ سری لنکن اسپنر نے وقار یونس کا 1990ء میں بنایا گیا ریکارڈ برابر کر دیا ہے، آنے والے میچ جو کہ اسکاٹ لینڈ کے خلاف ہے اگر پانچ کھلاڑی آؤٹ کر لیتے ہیں تو وہ وقار یونس کا ریکارڈ توڑ دیں گے۔

موضوعات:وقار یونس