لاہور( این این آئی)استحکام پاکستان پارٹی کے رہنمائوں نے قومی اسمبلی سے نااہلی کی مدت کے حوالے سے بل کی منظوری ہونے کے بعد پارٹی کے پیٹرن انچیف جہانگیر خان ترین کو ٹیلیفون کر کے مبارکباد دی ہے۔
ذرائع کے مطابق قومی اسمبلی سے بل پاس ہونے کے بعد استحکام پاکستان پارٹی کے پیٹرن انچیف جہانگیر خان ترین سے پارٹی رہنمائوں نے رابطہ کیا اور انہیں مبارکباد دی ۔نیک تمنائوں کا اظہار کرنے پر جہانگیر خان ترین نے پارٹی رہنمائوں کا شکریہ ادا کیا۔استحکام پاکستان پارٹی کے پیٹرن انچیف جہانگیر ترین اس وقت اپنی فیملی کے ہمراہ علاج کے سلسلے میں لندن میں موجود ہیں، وہ عید الاضحی کے بعد پاکستان واپس آئیں گے
