اسلام آباد (مانیٹرنگ ڈیسک) پاکستان کی پہلی ائیر ٹیکسی کے سربراہ عمران اسلم ائیرپورٹ سے لاپتہ ہو گئے۔نجی ٹی وی جیو نیوز کے مطابق پولیس کا کہنا ہے کہ عمران اسلم کے منیجر تصدق حسین کی جانب ائیرپورٹ تھانے کو عمران اسلم کے لاپتہ ہونے کی درخواست موصول ہوئی ہے۔درخواست میں مؤقف اختیار کیا گیا ہے کہ ایوی ایشن انڈسٹری سے وابستہ عمران اسلم بدھ کی رات 10 بجے سے لاپتہ ہیں، خدشہ ہے کہ انہیں نامعلوم افراد اپنے ساتھ لے گئے ہیں۔پولیس کا کہنا ہے کہ عمران اسلم کے منیجر تصدق حسین کی درخواست پر واقعہ سے متعلق تحقیقات شروع کردی گئی ہیں۔