اسلام آباد (این این آئی) نیب نے پی ٹی آئی چیئرمین عمران خان کو توشہ خانہ کیس میں جمعہ کو طلب کرلیا، سابق وزیراعظم کو متعلقہ ریکارڈ ساتھ لانے کی ہدایت کی گئی ہے۔نیب کی جانب سے جاری کئے گئے نوٹس میں کہا گیا ہے کہ عمران خان کو بدھ کے لیے نوٹس بھیجا گیا تھا لیکن وہ پیش نہ ہوئے۔نوٹس میں کہا گیا ہے کہ بطور سابق وزیراعظم آپ کو 108 تحائف ملے اور آپ نے 58تحائف اپنے پاس رکھ لیے۔نیب نے جمعہ کو چیئرمین پی ٹی آئی کو دوبارہ طلب کرتے ہوئے کیس سے متعلق ریکارڈ بھی ساتھ لانے کی ہدایت کی ہے۔