اسلام آباد (مانیٹرنگ ڈیسک )ملک بھر کی صرافہ مارکیٹس میں سونے کی قیمت میں مزید سینکڑوں روپے کی کمی ریکارڈ کی گئی ہے۔ تفصیلات کے مطابق آج بدھ کو کاروبار کے اختتام پر ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالا، فیصل آباد، راولپنڈی، ملتان سمیت دیگر جگہوں پر فی تولہ سونے کی قیمت میں ایک ہزار 800 روپے کی کمی ریکارڈ کی گئی جس کے بعد نئی قیمت دو لاکھ اٹھارہ ہزار سات سو روپے تک آگئی ہے ۔ جبکہ دس گرام سونے کی قیمت میں پندرہ سو 43روپے کی بڑی کمی دیکھنے کو ملی جس کے بعد نئی قیمت ایک لاکھ 87ہزار پانچ سو روپے ہو گئی ہے ۔