اسلام آباد (مانیٹرنگ ڈیسک)عطاءاللہ عیسیٰ خیلوی کا کہنا ہےکہ ہم 9 مئی کے واقعہ کی پُرزور مذمت کرتے ہیں ہم پاک فوج کے شانہ بشانہ کھڑے تھے اور کھڑے ہیں۔پاک فوج ہے تو پاکستان ہے پاکستان ہے تو ہم سب ہیں۔عطاءاللہ عیسی خیلوی کا کہنا تھا کہ ہم پاک فوج سے دل و جان سے محبت کرتے ہیں۔

عطاءاللہ عیسی خیلوی کا مزید کہنا تھا کہ سانحہ 9 مئی میں جو بھی ملوث ہے ان کو سخت سے سخت سزا دی جائے اور ان سب کو کیفر کردار تک پہنچایا جائے۔پاکستان میں ‏9 مئی کو جو واقعہ ہوا اس نے پورے پاکستان کے 22 کروڑ عوام کو نہ صرف شدید رنجیدہ کیا بلکہ پوری قوم کا سر شرم سے جھک گیا۔

جنہوں نے اپنی جان ہتھیلی پہ رکھ کر وطن عزیز کے ایک ایک انچ کو دشمن سے بچایا جنہوں نے دہشتگردی کا خاتمہ کرنے کیلیے شہادت کا جام نوش کیا 9 مئی کو جس طرح انکی بےحرمتی کی گئی وطن سے محبت کرنے والا کوئی شہری یہ سوچ بھی نہیں سکتا۔

عطاءاللہ عیسیٰ خیلوی نے مزید کہا کہ میں نے عمران خان کےلیے پارٹی نغمےبنائےتحریک انصاف خاص کر عمران خان کو بےحدسپورٹ کیالیکن سانحہ نو مئی کے بعد مجھے عمران خان کو سپورٹ کرنے پراب شرمندگی محسوس ہوتی ہے۔

موضوعات:عطا اللہ خان عیسیٰ خیلوی