اسلام آباد(نیوزڈیسک)پاکستان سے تعلقات،سعودی سفیر نے پاکستانیوں کے دل جیت لئے،پاکستان میں سعودی عرب کے سفیر عبداللہ بن مرزوق الزہرانی نے کہا ہے کہ پاکستان میں سرمایہ کاری کے مواقع سے فائدہ اٹھانے کے لئے سعودی عرب اپنی تاجر برادری کی حوصلہ افزائی کررہا ہے۔ دونوں ممالک کے درمیان خوشگوار تعلقات قائم ہیں جنہیں لفظوں میں بیان کرنا ممکن نہیں۔ سعودی عرب کے قومی دن کے موقع پر جاری کئے گئے پیغام میں سعودی سفیر عبداللہ بن مرزوق الزہرانی نے کہا کہ پاکستان اور سعودی عرب کے درمیان خوشگوار تعلقات قائم ہیں جنہیں لفظوں میں بیان نہیں کیا جاسکتا۔ سعودی عرب کا قومی دن (کل) بدھ کو منایا جائے گا۔ انہوں نے کہا کہ دونوں ملکوں کے درمیان تعلقات کے اقتصادی پہلو کثیر جہتی ہیں۔سعودی عرب اپنی تاجر برادری کی پاکستان میں سرمایہ کاری کے مواقع سے فائدہ اٹھانے کیلئے حوصلہ افزائی کررہا ہے۔ انہوںنے کہا کہ پاکستان اور سعودی عرب کے درمیان ثقافتی تعلقات ہمیشہ سے مضبوط رہے ہیں۔ جبکہ اسلام ان تعلقات کی جہتوں میں سے ایک جہت رہا ہے۔ عبداللہ الزہرانی نے یمن کی صورتحال پر سعودی عرب کے موقف کی حمایت کرنے پر حکومت پاکستان کا شکریہ ادا کیا۔ انہوں نے دہشت گرد عناصر کو شکست دینے کیلئے پاکستان کی کوششوں کوبھی سراہا۔