لاہور (مانیٹرنگ ڈیسک / این این آئی) لاہورکے میو ہسپتال کی ایمرجنسی میں زیرعلاج مریض کو فائرنگ کرکے قتل کردیا گیا ، عملے نے حملہ آور کو پکڑ کر پولیس کے حوالے کردیا۔سی سی ٹی وی ویڈیو میں دیکھا جا سکتا ہے کہ فائرنگ کرنے والا ایمرجنسی وارڈ میں داخل ہوا اور اسٹریچر پر لیٹے زخمی ساجد کو فائرنگ کرکے قتل کر دیا۔
تفصیلات کے مطابق میو ہسپتال میں علاج کی غرض سے آیا نوجوان پرانی دشمنی کی بھینٹ چڑھ گیا۔ شیخوپورہ کے رہائشی ملزم نے اعجاز عرف ججو کو فائرنگ کر کے قتل کر دیا۔ سکیورٹی عملے نے حملہ آور کو حراست میں لیکر پولیس کے حوالے کردیا۔مقتول ارشد شیخوپورہ کا رہائشی اور ملزم کا قریبی رشتے دار تھا۔ دونوں میں دو روز قبل شادی کی تقریب میں جھگڑا ہوا تھا۔ گوالمنڈی پولیس نے آلہ قتل برآمد کرکے تفتیش شروع کردی۔ایمرجنسی میں قتل کی واردات پر ینگ ڈاکٹرز بھی بھڑک اٹھے، ناقص سکیورٹی انتظامات کی وجہ سے کام نہ کرنے کی دھمکی دے دی۔ ایمرجنسی میں پستول کیسے پہنچا، ہسپتال انتظامیہ نے انکوائری کا حکم دے دیا۔
