کراچی(نیوز ڈیسک) پاکستان پیپلز پارٹی (پی پی پی) کے رکن سندھ اسمبلی (ایم پی اے) جمیل احمد بھرگڑی، 63 برس کی عمر میں انتقال کرگئے.جمیل احمد بھرگڑی 2013 کے عام انتخابات میں ڈسٹرکٹ میرپور خاص کے علاقے پی ایس 67 کوٹ غلام محمد سے ایم پی اے منتخب ہوئے تھے.21 فروری 1952 کو پیدا ہونے والے جمیل احمد بھرگڑی ڈسٹرکٹ میرپورخاص کے مشہور سیاسی گھرانے سے تعلق رکھتے تھے، ان کے والد رئیس غلام مصطفیٰ بھرگڑی مشہور زمیندار تھے.جمیل بھرگڑی کے قریبی عزیز ندیم ساگر بھڑگری نے ڈان کو بتایا کہ وہ کافی عرصے سے کیسنر میں مبتلا تھے اور علاج کے لیے امریکاجانے والے تھے.گذشتہ عام انتخابات میں جمیل احمد بھرگڑی نے پاکستان مسلم لیگ (ف) کے امیدوار اور پیپلز پارٹی کی رکن قومی اسمبلی فریال تالپر کے سابق داماد میر جانو اللہ خان تالپر کو شکست دی تھی.وہ سندھ اسمبلی کی قائمہ کمیٹی برائے جنگلات، ورکس اور سروسز اور جنگلی حیات کے رکن تھے.انھوں نے سوگواران میں اہلیہ، ایک بیٹا مصدق حسین اور 2 بیٹیاں چھوڑی ہیں.خاندانی ذرائع کے مطابق جمیل احمد بھرگڑی کی تدفین کوٹ غلام محمد کے قریب گاو¿ں محمد ہاشم بھرگڑی میں ان کے آبائی قبرستان میں کی جائے گی