کراچی(این این آئی)نئے بجٹ میں نان فائلرز کیلئے باہر سے گاڑی منگوانے پر ایڈوانس انکم ٹیکس دوگنا کرنے کی تجویز سامنے آ گئی۔دستاویزات کے مطابق انجن کپیسٹی کے بجائے خریداری رسید پر ودہولڈنگ ٹیکس لگانے کی تجویز بھی دی گئی ہے۔ درآمدی گاڑیوں پر ریگولیٹری،ایڈیشنل کسٹم ڈیوٹی میں اضافے کی تجویز بھی زیرغور ہے۔دوسری جانب نئے بجٹ میں ملکی برآمدات کا ہدف 30 ارب ڈالر مقرر ہے جبکہ درآمدات کا تخمینہ 58 ارب 70 کروڑ ڈالر لگایا گیا ہے۔اگلے مالی سال تجارتی خسارہ 28 ارب 70 کروڑ ڈالر ہوگا جبکہ کرنٹ اکانٹ خسارے کا تخمینہ 6 ارب ڈالر لگایا گیا ہے، کرنٹ اکانٹ خسارہ بلحاظ جی ڈی پی منفی 1.7 فیصد رہنے کا امکان ہے۔