اسلام آباد (این این آئی)اسلامی نظریاتی کونسل کا دو روزہ اجلاس شروع ہوگیا ۔ پہلے روز اجلاس کی صدارت چیئرمین اسلامی نظریاتی کونسل ڈاکٹر قبلہ ایاز نے کی ۔اجلاس میں حافظ طاہر محمود اشرفی ، سید ضیاء اللہ شاہ بخاری ، جسٹس ظفر اقبال ، جسٹس الطاف ، ڈاکٹر عمیر محمود صدیقی، علامہ حسین اکبر صاحب ، پیر سید محمد حبیب عرفانی سمیت دیگر ممبران شریک ہوئے ۔اجلاس میں نو مئی کی صورت حال ، ہجوم کے ہاتھوں تشدد کے واقعات ، ٹرانس جینڈر ایکٹ پر وفاقی شرعی عدالت کے فیصلے سمیت مختلف امور پر بات کی گئی ۔اجلاس میں سب سے پہلے شہداء کیلئے دعا کی گئی ۔اجلاس کے دوسرے روز اختتام پر چیئرمین اسلامی نظریاتی کونسل ڈاکٹر قبلہ ایازپریس بریفنگ دیں گے۔