کراچی (این این آئی)بحیرہ عرب میں سمندری طوفان بائے پر جوائے بننے کا امکان ہے جس سے سندھ کی ساحلی پٹی کو ممکنہ خطرہ ہے۔موسمیاتی تجزیہ کارجواد میمن کے مطابق جنوبی بحیرہ عرب میں ہوا کا کم دبائوبن گیا ہے۔انہوں نے بتایا کہ 10 یا 11 جون کو یہ ہوا کا کم دبائو شدت اختیار کر کے سائیکلون بن سکتا ہے۔موسمیاتی تجزیہ کار جواد میمن نے بتایا ہے کہ اس طوفان سے سندھ اور بلوچستان کی ساحلی پٹی، عمان اور گجرات کو ممکنہ خطرہ ہے۔انہوں نے مزید بتایا ہے کہ سائیکلون کا نام بنگلا دیش کے تجویز کردہ الفاظ پر ’بائے پر جوائے‘ رکھا گیا ہے۔موسمیاتی تجزیہ کار جواد میمن نے یہ بھی بتایا ہے کہ ’بائے پر جوائے‘ کا مطلب تباہی کے ہیں۔