کراچی(این این آئی)شہر قائد کے علاقے گلستان جوہر میں موٹر سائیکل سوار 2ملزمان نے نجی یونیورسٹی کی وین کو لوٹ لیا۔تفصیلات کے مطابق گلستان جوہر کامران چورنگی کی طرف جانے والی سڑک پر نجی یونیورسٹی کی وین کو لوٹنے کا واقعہ پیش آیا ہے، 2 ملزمان طالبات کے پرس سے موبائل فون، نقدی اور دیگر سامان لوٹ کر فرار ہوگئے۔موٹر سائیکل سوار دو ملزمان نے واردات کی، یونیورسٹی کی وین میں 4 طالبات سمیت ایک استاد بھی سوار تھے۔ملزمان نے تسلی سے واردات کی طالبات کے پرس سے پیسے بھی نکالے اور جاتے ہوئے گاڑی کی چابی نکال کر دور پھینک دی۔ پولیس حکام کے مطابق واردات کی اطلاع ملنے کے بعد کارروائی شروع کردی ہے۔