ریاض (این این آئی )سعودی عرب میں چھپ کر رہنے والے متعدد افراد پکڑے گئے۔ ان افراد نے چھپنے کے لیے عجیب طریقہ اپنا رکھا تھا۔ یہ لوگ ایک گودام میں چھپ کر رہ رہے تھے۔ گودام کا راستہ خفیہ رکھنے کے لیے ان افراد نے حیران کن طریقہ اختیار کیا۔ گھر میں رکھے گئے ریفریجریٹر کو انہوں نے گودام کا دروازہ بنا رکھا تھا۔
میڈیارپورٹس کے مطابق کے روز کمرشل کنسیلمنٹ کے انسداد کے قومی پروگرام نے اعلان کیا کہ اس کی ٹیموں نے ریاض کے علاقے میں اپنے باقاعدہ چکروں کے دوران قانون کی خلاف ورزی کرنے والوں کو پکڑ لیا ہے۔پروگرام کی جانب سے اپنے ٹوئٹر اکانٹ پر شائع کردہ ایک ویڈیو کلپ میں ریفریجریٹر کا وہ ٹھکانا اور دروازہ دکھایا گیا جس کے ذریعے سے کارکن گودام میں داخل ہوتے تھے۔ ادارے نے چھپنے والے ان افراد کو پکڑ کر مجاز حکام کے حوالے کر دیا۔
