اسلام آباد (این این آئی)پاکستان کرکٹ ٹیم کے فاسٹ بولر نسیم شاہ نے کہا ہے کہ ورلڈ کپ کے لیے تیاریوں کا سلسلہ شروع کردیا ہے، کائونٹی کرکٹ کا تجربہ بھی مفید ثابت ہوگا۔ایک انٹرویومیں نسیم شاہ نے کہا کہ پوری کوشش ہوتی ہے کہ اپنی پرفارمنس سے ٹیم کو میچ جتوائوں۔قومی کرکٹ ٹیم کے فاسٹ بولر نے کہا کہ ورک لوڈ مینجمنٹ کی وجہ سے پورے سیزن کے لیے کاو?نٹی کے ساتھ معاہدہ نہیں کیا۔

انہوںنے کہاکہ ٹیسٹ میچ میں ہیٹ ٹرک اور افغانستان کے خلاف دو چھکے لگا کر ٹیم کو میچ جتوانا اب تک کیریئر کے یادگار لمحات ہیں۔نسیم شاہ نے کہا کہ ٹیم میں کسی فاسٹ بولر کے ساتھ مقابلہ نہیں، سب کے ساتھ بولنگ کرنے میں مزہ آتا ہے، ٹیم کے ساتھی فاسٹ بولرز کے تجربے اور اسکلز سے بھی سیکھتا ہوں۔قومی ٹیم کے فاسٹ بولر کا یہ بھی کہنا ہے کہ لوگوں کو کرکٹرز کی شادیوں اور منگنیوں کی فکر کی بجائے کرکٹ پرفارمنس کی فکر ہونی چاہیے۔

موضوعات:نسیم شاہ