اسلام اباد (این این آئی) مسلم لیگ (ن) کے سینیٹرافنان اللہ نے کہا ہے کہ 9 مئی واقعات کے سرغنہ عمران خان ہیں،عنقریب گرفتار کرلیا جائیگا، پی ٹی آئی پر پابندی کا معاملہ زیر غور ہے، ملک میں عدم استحکام کی وجہ صرف عمران خان ہے۔

نجی ٹی وی سے گفتگو کرتے ہوئے سینیٹرافنان اللہ نے کہا کہ 9 مئی کے واقعات کے سرغنہ عمران خان سے متعلق تمام ثبوت موجود ہیں، سرغنہ کوعنقریب گرفتار کرلیا جائے گا۔ انہوں نے کہا کہ پی ٹی آئی کے کچھ لوگ خود چھپ گئے ہیں تاکہ ان کو گرفتار نہ کرلیا جائے، مذاکرت کیلئے ہم نے کوئی ٹیم نہیں بنائی،ہم نے مذاکرات کو مسترد کردیا ہے، الیکشن جب ہونے ہونگے ہوجائیں گے۔

انہوں نے کہا کہ پی ٹی آئی پر پابندی لگانے کا معاملہ زیرغور ہے سیاسی جماعت پرپابندی لگانے کا فائدہ کوئی نہیں ہوتا پابندی کی صورت میں نام بدل کرپھر آجاتے ہیں پھر وہ ایک تاثر قائم کرلیں گے دیکھیں ہمارے ساتھ کتنا ظلم ہوا ہے۔لیگی رہنماء نے واضح کیا پی ٹی آئی پر پابندی کے حوالے سے دو رائے پائی جاتی ہیں۔انہوں نے کہا کہ ماضی میں دیکھا جائے تو عدم استحکام کی ایک ہی وجہ نظر آئیگی وہ عمران خان ہے چاہے وہ حکومت میں ہو یا اپوزیشن میں۔

موضوعات:سینیٹرافنان اللہ