لاہور (مانیٹرنگ ڈیسک) جہانگیر ترین گروپ کے ذرائع کا کہنا ہے کہ تحریک انصاف کے کئی رہنما نئی جماعت میں شمولیت کے لئے رضا مند ہیں، نجی ٹی وی کے مطابق جہانگیر ترین نے 100 سے زائد رہنماؤں سے رابطے اور ملاقاتیں کی ہیں۔

ترین گروپ کے ذرائع کے مطابق فواد چوہدری اور فردوس عاشق اعوان بھی جہانگیر ترین سے رابطے میں ہیں اس کے علاوہ کے پی کے سے بھی کئی رہنماؤں کا جہانگیرترین گروپ سے رابطہ ہے۔ ذرائع کے مطابق آئندہ دو تین روز میں تحریک انصاف چھوڑنے والے جہانگیرترین کے ساتھ چلنے کا اعلان کریں گے۔