لاہور(این این آئی)حساس تنصیبات پر حملوں کا منصوبہ ایک ہی جگہ تیار ہونے کا انکشاف سامنے آیا ہے،آٹھ مئی زمان پارک اورنو مئی جناح ہاؤس بلوے میں ایک سو چون موبائل نمبرز مشترک پائے گئے،پی ٹی آئی کی چھ اہم شخصیات ان سے رابطے میں رہیں۔نجی ٹی وی کے مطابق پولیس نے پی ٹی آئی کی 6اہم شخصیات کی جیوفینسنگ رپورٹ حاصل کرلی ہے،جیوفینسنگ ریکارڈ کے مطابق 154کالرز 9مئی کے دن 6رہنماؤں کے ساتھ رابطوں میں رہے۔

ریکارڈکے مطابق یاسمین راشد،حماد اظہر،محمود الرشید،اعجاز چوہدری بلوائیوں سے رابطے میں تھے،اسلم اقبال،مراد راس بھی حملے کرنے والوں کے ساتھ رابطے میں تھے۔جیوفینسنگ ریکارڈ کے مطابق محمود الرشید 75 بار موبائل رابطوں کے ساتھ سرفہرست رہے، اعجازچوہدری کی جانب سے کی جانے والی اورموصول ہونیوالی 50کالزکا ریکارڈیاسمین راشد کا رابطہ بذریعہ کالز41بار ہوا۔ریکارڈ کے مطابق حماد اظہر کے موبائل نمبر سے 10کالز شرپسندوں کو کی گئیں،اسلم اقبال 16،مراد راس نے 23کالز جناح ہاس میں موجود شرپسندوں کو کیں،عمران خان کی گرفتاری سے قبل ہی گرفتاری کے خدشات پر ردعمل تیار کیا گیا۔