اسلام آبا د(این این آئی) پاکستان تحریک انصاف کی رہنما شیریں مزاری عدالت سے رہائی کے موقع پر بیٹی ایمان مزاری کے منع کرنے کے باوجود وکٹری کا نشان بنائے بغیر نہ رہ سکی تاہم ایمان نے والدہ کا ہاتھ جھٹک دیا۔
بدھ کو اسلام آباد کی ڈسٹرکٹ اینڈ سیشن عدالت نیشیریں مزاری اور فلک ناز کو کیس سے ڈسچارج کردیا جس کے بعد شیریں مزاری کو رہا کردیا گیا۔شیریں مزاری نے عدالت سے رہائی پر وکٹری کا نشان بنایا تو ان کی صاحبزادی ایمان مزاری کو یہ بالکل پسند نہ آیا اور انہوں نے والدہ کو وکٹری کا نشانہ بنانے سے روکتے ہوئے ان کا ہاتھ جھٹک دیا۔شیریں مزاری پر تھانہ ترنول میں اقدامِ قتل اوراسلحہ لہرانے کی دفعات کے تحت کیس درج تھا۔
