واشنگٹن(این این آئی)امریکہ کے دو سالہ کتے نے دنیا کا سب سے چھوٹا کتا ہونے کا عالمی ریکارڈ اپنے نام کر لیا ہے۔میڈیارپورٹس کے مطابق پرل نامی چیواوا نسل کے اس کتے کا قد 9 اعشاریہ 14 سینٹی میٹر اونچا ہے جب کہ اس کی لمبائی 12 اعشایہ سات سینٹی میٹر ہے،

یہ کتا پوپسکل نامی آئس لولی سے چھوٹا، ٹی وی ریموٹ سے پتلا اور تقریبا ڈالر کے نوٹ جتنا لمبا ہے۔سماجی رابطوں کی ویب سائٹ ٹوئٹر پر پرل کے ورلڈ ریکارڈ کے بارے میں گنیز ورلڈ ریکارڈ نے بھی تصدیق کردی ہے۔گنیز ورلڈ ریکارڈ نے اس ضمن میں ٹویٹ میں لکھا ہے کہ دنیا کا سب سے چھوٹے کتے پرل کو ہیلو کریں، ٹویٹ کے مطابق پرل مریکل ملی نامی کتیا کی جڑواں بہن کا بیٹا ہے جس کے پاس اس سے پہلے دنیا کی سب سے چھوٹی کتیا ہونے کا اعزاز بھی تھا۔پرل کو اس کی مالکن وینیسا سیملر نے اطالوی ٹی وی شو میں متعارف کرایا جس پر اسے خوب داد بھی ملی تھی۔انہوں نے بتایا تھا کہ یہ اچھی کوالٹی کا کھانا کھاتا ہے جیسے چکن، سالمن مچھلی اور اسے خوب صورت کپڑے پہننا بے حد پسند ہے۔