ریاض (مانیٹرنگ ڈیسک) سعودی عرب نے کرکٹ کے فروع کیلئے پاکستان کی خدمات حاصل کرنے کا فیصلہ کیا ہے۔ نجی ٹی وی کے مطابق سعودی عرب نے کرکٹ کے فروغ کیلئے پوری دنیا کو مسترد کرکے پاکستان کا انتخاب کر لیا ہے۔ سعودی عرب کے ولی عہد محمد بن سلمان نے کرکٹ کے فروغ کیلئے معروف فرنچائزکوئٹہ گلیڈی ایٹرز کے مالک ندیم عمر کو بلا لیا ہے۔

کوئٹہ گلیڈی ایٹرز اور سعودی حکومت کے درمیان معاہدہ جلد طے پا جانے کا امکان ہے جس کے بعد ندیم عمر اپنی ٹیم کے ہمراہ سعودی عرب کی قومی ٹیم تشکیل دیں گے۔ ذرائع کا یہ بھی کہنا تھا کوئٹہ گلیڈی ایٹرز سعودی عرب کا ڈومیسٹک کرکٹ سسٹم بھی تشکیل دے گا۔ سابق کرکٹرز کا اس معاملے پر کہنا تھا کہ دنیا کے بڑے بڑے ناموں کو مسترد کرکے ندیم عمر کا انتخاب پاکستان کیلئے ایک بڑا اعزاز ہے۔

موضوعات:ندیم عمر