کراچی(این این آئی)دنیائے کرکٹ کے عظیم بیٹسمین اور پاکستان کے سابق ٹیسٹ کپتان جاوید میانداد بھارتی مظالم کیخلاف آواز بلند کرتے ہوئے کہاہے کہ بھارتی وزیر اعظم مودی کودکھانا چاہتے ہیں کہ پورا پاکستان ایک ایجنڈے پر ہے۔کراچی سٹی پریڈ میں شریک ریکارڈ ساز میانداد نے میڈیا سے گفتگو میں کہا کہ بھارتی وزیر اعظم مودی کودکھانا چاہتے ہیں کہ پورا پاکستان ایک ایجنڈے پر ہے،کشمیر بنے گا پاکستان

، پاکستان زندہ باد کا نعرہ بلند کرتے ہوئے انھوں نے کہا کہ بھارت میں مسلمانوں پر ہونے والے مظالم کا بہت افسوس ہوتا ہے۔بھارت میں ایک مسلمان کو 20،20 لوگ مارتے ہیں، وہاں رہنے والے مسلمان گھر سے نکلتے وقت اپنی حفاظت کیلئے چھری، خنجرساتھ رکھیں، مسلمان کا یقین شہادت کا ہے، جاوید میاں داد نے کہا کہ جو کچھ بھارت میں ہورہا ہے وہ ناقابل قبول ہے اور میں شدید الفاظ میں اس کی مذمت کرتا ہوں۔