ہنزہ(سی پی پی )پاکستانی کوہ پیما مرزا علی نے مائونٹ ایورسٹ سر کرنے کا اعزاز حاصل کرلیا۔تفصیلات کے مطابق پاکستانی کوہِ پیما مرزا علی نے دنیا کی سب سے بڑی چوٹی سر کر لی ہے۔ سیکریٹری الپائن کلب پاکستان کرار حیدری کے مطابق شمشال کے رہائشی مرزا علی نے رات دو بجے مائونٹ ایورسٹ کی انتہائی بلندی پر قدم رکھ کر اپنی مہم جوئی مکمل کی جس کے بعد وہ ریکارڈ بک میںچوٹی سر کرنے والوں میں شامل ہوگئے ہیں۔مرزا علی مائونٹ ایورسٹ سر کرنے والی پہلی پاکستانی خاتون کوہ پیما ثمینہ بیگ کے بھائی ہیں۔ مرزا علی دو ہزار
تیرہ میں مہم جوئی کے دوران اپنی بہن کی ٹیم میں شامل تھے، لیکن کیمپ چار سے ہی واپس ہوگئے تھے۔یاد رہے کہ مائونٹ ایورسٹ نیپال میں واقع دنیا کی سب سے بلند ترین چوٹی ہے جس کی اونچائی آٹھ ہزارآٹھ سو اڑتالیس میٹر ہے۔