کراچی (مانیٹرنگ ڈیسک) شائقین کرکٹ کے ساتھ ساتھ سٹے باز بھی سرگرم ہوگئے۔ بکیز نے اسلام آباد یونائیٹڈ کا 70 پیسے ریٹ نکال کر اسے فائنل کی فیورٹ ٹیم قرار دے دیا۔ذرائع کا کہنا ہے کہ میچ سے قبل ہی بکیز نے اسلام آباد یونائیٹڈ کو فیورٹ قرار دے دیا ہے۔ ذرائع کا مزید کہنا ہے کہ سٹے بازوں کی نظر میں لیوک رونکی ڈومنی اور اسمتھ پٹیل کی بیٹنگ زلمی کیلئے خطرناک ثابت ہوگی جبکہ محمد سمیع اور شاداب خان کی بالنگ پشاور زلمی کے چھکے چھڑا سکتی ہے۔

اب دیکھنا یہ ہے کہ سٹے بازوں کی نگاہ میں فیورٹ اسلام آباد یونائیٹڈ جیتے گی یا پشاور زلمی کے کپتان ڈیرن سمیی اپنے ٹائٹل کا دفاع کرنے میں کامیاب ہوں گے۔دریں اثناء پی ایس ایل کے موقع پر سکھر کے تین دوستوں سے جعلی ٹکٹ برآمدکرلئے گئے۔ تینوں دوستوں نے فائنل کے ٹکٹ آن لائن خریدے تھے۔ پولیس نے تینوں کو سٹیڈیم کے باہر سے حراست میں لے لیا۔تفصیلات کے مطابق پاکستان سپر لیگ کے دوران تین افراد سے فائنل کے جعلی ٹکٹ برآمد ہوگئے جس پر تینوں کو حراست میں لے لیا گیا۔ اس حوالے سے معلوم ہوا ہے کہ سکھر کے تینوں دوستوں نے سوشل میڈیا پر آن لائن ٹکٹیں خریدی تھیں ۔ آج فائنل کیلئے جب وہ تینوں نیشنل سٹیڈیم پہنچے تو وہاں چیکنگ کے دوران اس بات کا علم ہوا کہ انہیں بیچے گئے ٹکٹس جعلی ہیں۔ پولیس نے تینوں دوستوں سے معلومات حاصل کر کے آن لائن ٹکٹس فروخت کرنے والے شخص کے خلاف کارروائی کا آغاز کر دیا ہے ۔ پی ایس ایل کا جادو میدان سے سے نکل کر سینما ہال تک جا پہنچاہے کراچی کے بیشتر سینما گھروں میں فلموں کی نہیں بلکہ کرکٹ میچ کی نمائش کی جارہی ہے۔مار دھاڑ، رومانس کی جگہ سنیما گھر آج چھکے چھوکوں پر سیٹیاں بجنے لگیں۔ سینما گھروں میں بھی فائنل کے ٹکٹ پہلے ہی فروخت ہو چکی ہیں۔ سینما مالکان کو مزید کرسیاں لگانے کی ضرورت پڑ گئی ہے۔شام چھ بجے سے ہی سینما گھروں میں پشاور زلمی ،اسلام آباد یونائیٹڈ کے درمیان میچ سے قبل اختتامی تقریب اسکرین پر دکھائی جانے لگی۔

موضوعات:بکیز