کراچی (مانیٹرنگ ڈیسک) برازیلین فٹبالر رونالڈینہو کے ہمراہ فرانس کے سابق سٹارفٹبالرنکولس انیلکابھی پاکستان میں فٹبال میچ کھیلیں گے۔ فرانسیسی فٹبالرنکولس انیلکانے 2004میں اسلا م قبول کیاتھااوران کااسلامی نام عبدالسلام بلال ہے ۔میڈیارپورٹس کے مطابق فرانسیسی فٹبالر نےپاکستان آنے کے حوالے سے اپنے ایک پیغا م میں کہاکہ ’’ السلام علیکم پاکستان،ایک مسلمان کی حیثیت سے مسلم ملک پاکستان آ کر بہت خوشی ہو گی

جہاں رونالڈینہو سے ملاقات ہو گی اور ان سے میچ بھی کھیلوں گا “نکولس انیلکا نے مزید کہاکہ جب سے میں نے اسلام قبول کیاہے اس وقت سے پاکستان کے ساتھ میراایک خصوصی تعلق ہےجوکسی دوسرے فٹبالرکانہیں ہوسکتااورمیرے آنے کا مقصدفٹبال کوبھی پاکستان میں فروغ دیناہے ۔واضح رہے کہ فٹبال کانمائشی میچ کراچی میں کھیلاجائے گاجس میں کئی بین الاقوامی کھلاڑی حصہ لیں گے

موضوعات:نکولس انیلکا