اسلام آباد(مانیٹرنگ ڈیسک )پاکستان سپر لیگ کے لاہور میں ہونے والے فائنل میچ کیلئے جہاں کئی اہم شخصیات کو دعوت نامے ٹکٹوں کے ہمراہ ارسال کئے جا چکے ہیں وہیں کرد ملکہ حسن شینے عزیز بھی اس فہرست میں شامل ہیں جو پاکستان سپر لیگ کے فائنل میچ کی رونق دوبالا کرنے قذافی سٹیڈیم پہنچیں گی تاہم پاکستان سپر لیگ کے فائنل میچ

کو سٹیڈیم میں بیٹھ کر دیکھنے کے کئی خواہشمند ایسے بھی ہیں جنہیں ٹکٹوں کے حصول کیلئے شدید مشکلات کا سامنا کرنا پڑ رہا ہے ان افراد میںملتان کے خواجہ سرا بھی شامل ہیں جو پاکستان سپرلیگ کا فائنل میچ دیکھنے کی خواہش کا اظہار کررہے ہیں ۔ٹکٹوں کے حصول میں مشکلات اور ناکامی کے بعد ملتان کے خواجہ سراؤں نے بھی لاہور کے قذافی سٹیڈیم میں آکر فائنل میچ دیکھنے کیلئے پی ایس ایل کی مہنگی ٹکٹس خریدنے پر بھی رضامندی ظاہر کر دی ہے مگر انہیں ٹکٹ پھر بھی نہ مل سکے ہیں۔خواجہ سرائوں کا کہنا ہے کہ ان کے بغیر سٹیڈیم میں کیا خاک رونق ہو گی انہوںنے پی ایس ایل کے چیئرمین نجم سیٹھی سے اپیل کرتے ہوئے کہا ہے کہ ” سیٹھی صاحب ہمیں بتادیں کہ ٹکٹس کیلئے کتنے پیسے چاہئیں ہم ادا کر یں گےمگر ٹکٹ دیدیں “۔

موضوعات:پاکستان سپر لیگ فائنل خواجہ سرا کرد ملکہ حسن نجم سیٹھی