لاہور (این این آئی) پاکستان پیپلز پارٹی کے سینئر رہنما اعتزاز احسن نے کہا ہے کہ عمران خان نے اسمبلیاں تحلیل نہیں کرنی، الیکشن کرا کر کیا کریں گے، انہوں نے فالوورز کو بہت تھکایا ہے، اب انہیں آرام کرانا چاہیے۔ کالج فار ویمن یونیورسٹی میں میڈیا سے گفتگو کرتے ہوئے

اعتزاز احسن نے کہا کہ وزیر اعلیٰ پنجاب پرویز الہٰی اسمبلی توڑنا چاہتے ہیں تو آئین کے تحت انہیں اختیار ہے، عمران خان کے اپنے بڑے مشیر ہیں، میرا مشورہ ہے کہ انہوں نے اپنے فالوورز کو تھکا تھکا کربڑا خراج لیا ہے، بہتر یہ ہے کہ اپنی پارٹی والوں کو تھوڑا ریسٹ دیں۔اعتزاز احسن نے کہا کہ اسمبلیوں کی تحلیل پر کوئی دخل نہیں دے سکتا،عمران خان الیکشن کرا کرکیا کریں گے،لانگ مارچ ختم کیا تب ہی اسمبلیاں توڑ دیتے، وزیراعظم پر منحصر ہے کہ وہ الیکشن کرائے۔انہوںنے کہاکہ نواز شریف واپس نہیں آئیں گے،لندن میں کسی نے ان کے خلاف بیان دیا ہوا ہے، ممکن ہے ان کے خلاف مقدمہ درج ہوجائے۔اعتزاز احسن نے کہا کہ پیپلزپارٹی اورمسلم لیگ (ن )کو اکٹھا کرنیکا کام آصف زرداری کا ہے، آصف زرداری سب سے ذہین پلئیر ہیں، انہوں نے کس طرح ایک گیم کھیلی اور پارٹیوں کو اکٹھا کیا،کسی اور کے لیے یہ آسان نہیں۔