ملتان،اسلام آباد (آن لائن )الیکشن کمیشن نے پاکستان تحریک انصاف کے وائس چیئر مین اور سابق وزیر خارجہ شاہ محمود قریشی کے الزمات کو مسترد کرتے ہوئے ان کو نوٹس بھیجنے کا فیصلہ کیا ہے۔ تفصیلکے مطابق ریٹرننگ آفیسر الیکشن کمیشن نے پنجاب کے حلقے 217پی پی

میں فیکٹری کے اندر بیلٹ پیپرز پر ٹھپے لگانے کے شاہ محمود قریشی کے الزامات کو مسترد کر دیا ہے ، ریٹرننگ آفیسر کے مطابق شاہ محمود قریشی کی شکایت پر خو د فیکٹری کا دورہ کیا ،نہ تو وہاں بیلٹ پیپرز تھے اور نہ ہی ٹھپے لگائے جا رہے تھے، ریٹرننگ آفیسر کے مطابق پی ٹی آئی رہنما شاہ محمود قریشی کو غلط الزامات پر نوٹس بھجوا رہے ہیں ،شاہ محمود قریشی بغیر اتھارٹی کیسے نجی مقامات پر داخل ہو سکتے ہیں؟اس سے قبل پی ٹی آئی رہنما شاہ محمود قریشی نے ملتان کے حلقہ 217 میں ن لیگ پر ووٹوں کی خریدو فروخت کا الزام لگا یا،شاہ محمود قریشی وہاڑی روڈ پر قائم نجی فیکٹری میں کارکنان کے ساتھ پہنچ ،ان کا دعوی ٰہے کہ فیکٹری کے اندر ن لیگ ووٹوں کی خرید و فروخت کر رہی ہے،فیکٹری ملازمین نے شاہ محمود کو گھیرے میں لے لیا۔دوسری جانب وزیر داخلہ رانا ثنا اللہ نے اپنے ایک بیان میں کہا ہے کہ انتہائی حساس حلقوں میں سکیورٹی فورسزکی اضافی نفری تعینات کی گئی، اسلحہ کی نمائش اور اسلحہ ساتھ رکھنے پر بھی پابندی ہے۔ تمام حلقوں میں سکیورٹی ہائی الرٹ ہے۔ الیکشن کمشن کی درخواست پرسول آرمڈ فورسز کو تعینات کیا گیا ہے۔ انتہائی حساس انتخابی حلقوں میں اضافی نفری تعینات کی گئی ہے۔ رینجرز اورفرنٹئیر کانسٹیبلری کے علاوہ پاک فوج بھی فرائض سرانجام دے رہی ہے۔

موضوعات:شاہ محمود قریشی