کراچی (این این آئی) بھارت سے بحرین جانے والے 2 طیاروں کے کپتانوں نے ائرٹریفک کنٹرولر سے رابطہ کرکے کراچی ائرپورٹ پر ٹیکنیکل لینڈنگ کی۔تفصیلات کے مطابق کپتانوں نے لینڈنگ کی اجازت ملتے ہی طیاروں کو ائرپورٹ پراتارا۔ دونوں پرائیویٹ جیٹ طیارے چینی کمپنی کے تھے اور بھارتی شہر ناگپور سے بحرین جا رہے تھے۔طیارے 12 جولائی کی شب 12 بجے کراچی ائرپورٹ پر اترے اور ری فیولنگ کے بعد واپس بحرین کیلئے روانہ ہو گئے۔ذرائع کے مطابق طیارے 12گھنٹے تک کراچی ائرپورٹ پر موجود رہے جہاں انہیں ری فیولنگ کیلئے لینڈنگ کی اجازت دی گئی تھی۔